任性的編劇

嘿，我知我知，上一篇的(二)去了哪裡呢? 原諒我吧，文字人都是有點任性，(其實有了BLOG和微博，全世界都是文字人，所以人也愈來愈任性) 腦袋自由自主，我就由「她」去玩，想到甚麼就寫甚麼吧。會，總有一天，所有的(一)篇我都會歸還一個(二)篇給大家 – 可能你已忘了，嘩哈哈。

言歸正傳。Phantom of the Opera 的續集 Love never die 講的是Phantom 邀請Christine 返劇院唱歌，然後驚爆原來Christine 同Phantom 上過床，仲生埋個仔，大大頂綠帽笠在Ralph 頭上… 阿彌陀佛! (WELL, Jesus Christ! 既中文版) 問十個人，十個都接受唔到呢個續集，或者需要一點時間去消化。雖然聽聞裡面的歌不錯，甚至比之前有更上佳的水準，而我，亦曾經認為電影版中的Phantom半邊臉都贏臉孔毫無性格的Ralph，Christine早就應該跟Phantom走佬啦.…..但當真係聽到呢個續集故事大綱時，對眼睜到大過塊面 (友人形容)，「我真係接受唔到囉」。

睇過Phantom making of 既人都知，其實編劇Andrew Webber 係將自己代入左Phantom 角色，前妻Sarah Brightman 就是Christine，兩人拉扯的關係到最終分開都帶俾Webber 深深的痛苦，因此才寫得出這個精彩的Musical。(喇，你話啦，編劇邊好做架? 做緊既都有D自虐狂!!!) 好喇，Webber 叔叔而家當然名成利就，仲要娶左另一個靚女(?)，一大班工作人員跟住佢，大老闆水喉射住佢，佈景要幾華麗有幾華麗，曲詞要幾靚有幾靚，但原來WEBBER 依然放唔低，佢想Christine 真正愛既人是Phantom，那個Ralph 不過是個嘍囉 (從來都是)，甚至為了他紅杏出墻….

編劇就是這樣… 任性是會的，但有時太任性真的會累事。有幾次，看到自己和友人寫的劇本，好地地，某段戲分明就是因為自己的情意結而寫，全世界都知有問題，軟硬兼施地勸說，自己其實深心處也知有問題，但個腦就好似食左屎一樣死也不肯改。劇排好了，出來見人了，觀眾爆粗了，自己知衰仍口硬，心裡恨不得有個RE-RUN 把這段刪去….

以前有「牙痛文學」的說法，牙痛只有自己知，你依依呀呀，典來典去，觀眾感受不到就是感受不到，廢的。現在的劇本太多都是在「牙痛」。我唔知Christine 有幾愛Phanthom，之前有講他們是「相愛」的嗎? 沒有，WEBBER，你再多的痛於我來說都是牙痛啊。

(跟友人打趣說，要寫都寫到「經痛」的層次，因為起碼全世界有一半的人--女人，知道是怎樣的痛而不需多費唇舌.... 嘻, 打個核突比喻吧)

為了紀念令自己痛不欲生的人 / 片段，令全劇組人陪你一齊受苦，何必?

為了紀念自己最愛的人 / 片段，夾硬塞入劇本內，令觀眾爆粗，反而污衊了那人那片段，又何苦?

Love never die 給我最大的啟示，編劇的任性要適可而止，否則全世界陪你一齊受罪之餘，自己也不會好過。